"Komisyon pa chay
Sa lejè tankou pay
M pap kitel pase tray
Pou’m pa tonbe nan deblozay

Kè'm voye'm alamaskay
Paske l' pè tripotay
Pou di'w depi premye fwa l' fe ay
Ou pa janm lache l' yon may

Wi, depi'l fet wap batay
Pou'l pa janm pase tray
Ew pa janm fe yon fay
Mesi pou tout bagay

E Siw wè lap diw yon pil bagay
Pa panse se chantay
Men se lanmou nan li kap travay
Si’l se yon tren ou menm ou se yon ray.


© October 2011 - Perri Pierre 

Ala w' pa fonw ide?
M renmen fanm ak po koulè kafe
Pa kafe melange
Kafe ki soti nan mòn kiskeya byen pile

Ou konnen, fanm ak leèv pwès ki gen kote pou m' souse
Ayayay, fanm byen kanpe 
Ki gen bel fom, dèyè mate
Ak bel tete byen kanpe

Fanm ki pap kouri antre leu soley leve
Ou konnen, pou pol pa brile
Fanm ak cheve krepi ki ka trese
Jansiv vyolèt, dan blan, bel souri trou bote

Fanm ki konn sal vle
Ki pap just kitew paske lajan w bese
Dayè li pa pè bese leve
E li forme, byen edike

M bezwen yon bel neges Gine
Yon fanm ki pa nan wanga men kap fem kole.
Zanmi m di m toujou ap reve
Men m konnen depi Jean chache, Jean ap trouve.

© Perri Pierre - February 2014